去腳皮新體驗 ♥ Scholl爽健速效去硬皮擦

好耐冇打BLOG啦

比論文同大量功課堆死了的一個七月

終於過左個7月  可以打返BLOG

其實有好多野想打  不過仍被論文困住左  要慢慢打呀...

今次係試用返Scholl爽健速效去硬皮擦

可以算係一種對硬硬的腳皮的一種新體驗
佢唔似平時既腳膜  敷住0.5~1個鐘先至敷完

只係要短短幾分鐘就可以令一部份死皮bye bye  對於大忙人黎講係一個唔錯既選擇

好啦! 介紹返產品先~

Scholl的新產品 - 速效去硬皮擦

好多人會用死皮挫去腳部死皮  雖然係會滑左  但係好難令死皮同你講byebye

加上死皮挫最好日日用  所以都幾浪費時間

而Scholl既新產品只要每星期用一次就可以令你有滑滑既腳板啦

而佢都提返大家最好係浴室用  比較容易清理

STEP~~~

首先將液體倒係棉花度 (棉花要沾滿液體)

之後敷係去死皮的位置最多6分鐘

拎走棉花再用盒內的硬皮擦刮走死皮

****要注意!!如果其他部位的皮膚接觸到液體,記得要徹底沖先

用後感....

其實敷既時候我覺得都幾唔方便

因為敷左係腳板  又唔可以比腳板接觸到地面  又怕佢走位同甩

所以其實唔方便既因素都幾多 (唔知係咪我既問題)

加上近排我隻腳皮又有敏感問題  所以好怕D液體會流過去

但佢可以局部咁去死皮  唔怕傷到1D比較薄既皮膚

因為一般腳膜係一次過  有時我敷都覺得會傷到薄既皮

但如果腳皮比較厚的用家可能要比D耐性~  因為我覺得個效果唔太明顯

我做左第一次唔見去左幾多  但我相信每星期做的話絕對可以keep住滑滑腳板HAHA