前排join左LIGHTMAC的試做計劃呢個試做可以試做最多2 parts醫學療程
之前有個姐姐打黎同我約時間
聽姐姐講返佢地4間分店 最後我揀左諾士佛臺
♥ 尖沙咀海港城世界商業中心9樓901室
♥ 尖沙咀諾士佛臺10號14樓
♥ 銅鑼灣告士打道280號世貿中心3602-03室
♥ 跑馬地雲地利道22號地下
其實係上網申請之前真係未聽過依間野
所以都仲有D保留嫁~
個日一上到去 出lip 我就見到大大個楊千嬅係我面前
之後我就入左去啦
個感覺同我係網頁見到既感覺完全唔同
我係網頁見到既相好簡約好CYBER
但係依間分店設計較為Classic 以木材同啡色為主調
個感覺好舒服
而且佢地有點香薰 但我分唔出係咩味 味道好清新好舒服
之後就有個哥哥請我坐底填表
填完之後就坐左一陣 就有另一個姐姐比拖鞋同比左杯花茶我
杯花茶有山楂同士多啤梨味 唔知我有冇錯
不過都係一杯烈以放鬆既飲品 加上都好週到地唔會太熱同太凍
個人好鍾意呢D小小的細心 所有小小既野 合起來就會係大大的喜悅♥
等左一陣之後就有位彩光師請我入左房傾計
房入面燈光幾舒服 同埋張櫈好舒服呀!!!!
咁同我傾計既彩光師叫JOE 主要係同我解釋返個過程同風險
咁一開始佢就介紹返佢地間公司
LightMAC 2003成立 初初第一間分店係跑馬地 (應該都係做有錢人生意~)
咁最新有海港成分店
佢話之前公司一直都冇做咩特別宣傳 keep住都係做reference客
最近先至請左千嬅做代言人
咁之後就同我解釋下咩係醫學療程 同埋問返我想改善乜野
咁樣傾下傾下就傾左半個幾鐘 坐到我pat pat都痺埋
不過相對上佢解釋得好詳細
之後就去見醫生啦 我見個位係麥醫生 係女醫生黎既 好nice
咁就幫我睇返皮膚應該做咩療程
醫生話我好乾好乾同好乾 我都知嫁啦=(
之後就話我咁後生 唔使做D咁勁呢療程
所以就只係會幫我做乳酸換膚(lactic acid hydration face medical)
咁見完醫生又同彩光師傾多陣
就講返過程會有D唔舒服同係咩感覺
佢話做既時候會有D"LALA"地同吉吉地 感覺會有D痕
同埋做完會有咩效果同要注意D咩咁啦
之後終於都入左Facial房
房入面以黃燈做主 張床幾舒服
值得一讚既係張被 因為唔同一般美容院咁只係一條毛巾咁薄
反而有D似冷氣被咁 舒服呀HAHA
咁總共有2個人掂過我塊面 一位美容師幫我洗面
洗面過程好細心 我feel到佢直頭一條一條睫毛咁卸...
洗完面之後就有另一位女彩光師YUMI幫我做療程
依次係我第一次做呢類facial 所以做之前都真係怕好痕好吉
咁一路做既時候 彩光師就查D乳酸係我面上一路打圈
而且彩光師都一直有keep住問我有冇唔舒服 以便可以即時停止療程
其實個感覺真係好奇怪 因為我一直接觸既Facial感覺都係好舒服好RELAX
但係估唔到真係幾"LA"同幾痕
咁做完之後就敷返個MASK啦 個MASK好杰好涼hehe
之後彩光師冇啦啦講左句 '拎多左tim 幫你厚敷啦~!'
敷既期間我好快就瞓著左 仲發左夢tim HAHA
做完之後彩光師同我講我都幾多面毛 要唔要做埋脫毛
做之前我都預左佢做sell 都預左會有hardsell+煩sell的準確
點知佢係話比我試一試脫毛個感覺 帶左我去光學室 比我試下脫
佢幫我試脫左眉心既毛毛 我的第一次...
好痛呀!!!! 我估唔到做LASER係咁痛嫁 定係因為眉心關係所以咁痛
之後又去見彩光師(JOE)啦! ( 已經預備好對抗hardsell!!來吧!! )
佢問返我個感覺呀~舒唔舒服咁~
(另外比左杯菊花杯品我~唔甜但甘甘地 幾好飲)
之後就講一講佢地D療程 但係冇講價錢就話去印單比我lu
冇sell野!? 可能因為我係學生加上我都不斷出口術話我好窮=P
返到屋企睇返張單 我個療程原價$1500~~!
整體上其實每一位職員都好有禮貌
而且成個過程都好清楚好舒服
環境都好好
如果有銀兩的話 的確係幾好既選擇
可惜我係另一間美容院仲有好多次facial未做
同埋好窮 所以暫時都係唔好住啦~!
沒有留言:
張貼留言