舒適糖果平底鞋 ♥ 著足一日都咁舒服

前幾日MISSTOM買左對平底鞋

一向MISSTOM對平底鞋既印象都唔好

即使所謂都舒適鞋都會著到腳痛

所以都唔會預佢可以著到一日

一到夜晚就已經周圍搵地方坐 又黑曬面咁...

但係終於比我搵到啦

又平又靚又好著的平底鞋!!!

呢對我係荃灣新之城2樓一間鋪仔買嫁

我買鞋只係會係一兩間鞋鋪買

佢係其中一間  因為小妹對腳好多肉  所以著好多鞋都會痛同好逼

但呢間D鞋好多都好舒服  而且款都好come興

主打OL客仔  絕大部份都係日本同韓國真皮鞋

加上佢地價錢一啲都唔貴

今次呢對只係$299~ 羊仔皮! 所以好超值

有Candy Pink,灰,黑,Mint Green, Navy Blue五個色

仲有雙色款

另外呢對鞋有暗踭  所以著全日都得  不過著一日都會攰

加上鞋尾有cushion  唔會刮腳

另外我最鍾意呢D有橡筋既鞋  唔會好似拖鞋咁  甩下甩下

琴日我唱K  比對我朋友試  之後佢都去左買HAHA

想知間鋪係邊個位可以問下  因為地址我唔知  但可以形容比你知~