收毛孔美白2in1 ♥ 生機蜜柑維C臻白毛孔雙重精華液

HALO大家好, 又係我MISSTOM.
今日落好大雨呀  勁瞓得既我竟然比行雷噪醒左 (雖然之後就瞓返hehe)
係D又濕又立既日子  最好留係屋企hea下, 瞓下, 煲下劇啦~~
而我就決定打返篇blog
其實D相真係影左好耐  但係我一直都未打BLOG  太懶啦...
今次要介紹既係innisfree 生機蜜柑維C臻白Eco Science White C系列其中一支
佢呢個系列有兩款 (HK$320/30ml)
- Eco Science White C Pore Double Serum生機蜜柑維C臻白毛孔雙重精華液- Eco Science White C Double Serum 生機蜜柑維C臻白雙重精華液
而今次試既係Eco Science White C Pore Double Serum生機蜜柑維C臻白毛孔雙重精華液
佢呢支係有收毛孔同美白精華~

今次產品含有大量柑橘皮萃取物  佢含有豐富既維他命C同埋天然高效美白成份 -- 桔皮素 (Tangeretin)
睇睇innisfree官方介紹先:
生機蜜柑維C臻白Eco Science White C系列中的柑橘皮萃取物除了富含維他命C，也同時含有天然高效美白成份─桔皮素 (Tangeretin)，能有效抑制黑色素酵素的活躍性，以阻截黑色素形成，及預防紫外線造成的色斑積聚。產品同時加入ECOCERT認證的Green Complex，蘊含5種生長於濟洲島上的天然植物（包括濟州島有機綠茶、柑橘、仙人掌、山茶花及文殊蘭），相互協同發揮50種複合能量，深度活化肌膚細胞機能，提昇新陳代謝能力，締造健康亮白肌膚。
生機蜜柑維C臻白毛孔雙重精華液富含64.8%的有機柑橘皮萃取物，提供高效的抗氧美白營養，抑制黑色素形成及淡化色斑，抵抗自由基，讓肌膚回復幼滑剔透。此外，精華液所蘊含的薄荷萃取物，具鎮靜肌膚功效，有助改善皮脂分泌，平衡肌膚油分。同時，能清空毛孔內積聚已久的老廢物，改善毛孔粗大問題，重拾細緻肌膚。
今次innisfree方面仲請左我地食濟洲既柑橘~~
同我地食開既大陸柑橘有D唔同
佢冇我想像中咁甜  但係好爽口~~  我諗用黎整jelly會好正HAHA



大家可能會唔月點解係柑橘皮  其實柑橘皮既維他命C成份係柑橘肉既4倍而且柑橘皮既維他命C相對上較穏定  比較容易抽取另外大家都知innisfree既基地係濟洲島  所以今次產品既原材料都係取自濟洲用既係濟州島西歸浦市有機果園內的有機柑橘
利用冷浸法提取柑橘皮中既高效的美白美容成份
另外有一樣野我覺得好正既係  佢用左柑橘皮水代替普通清水  令到效果可以更加有效提升!!
除左美白之外  innisfree深明美白=乾既道理
所以佢都係產品內加入左大家熟識既綠茶籽精華  令大家可以美白同時保濕
順道一提~  原來柑橘皮中的桔皮素 (Tangeretin)係有消炎既作用嫁!
另外收毛孔方面就係加入左薄荷萃取物  佢可以控抽同鎮靜肌膚
而且佢會有4 FREE配方 (無防腐劑 / 無人工色素 / 無礦物油 / 無動物性原料)
可以減低敏感機會



而今次產品採用左雙管設計Double Pump
大家可以睇到佢有兩個窿窿~  一邊for一個精華
點解會咁呢?
innisfree方面話濟洲方面做左多個研究
原來呢兩個精華係用之前一刻先MIX埋  可以發揮最大功效~~
因為佢係雙管設計  所以拑落去都要教嫁!!
大家用個時要按中間個圈圈位  令兩邊用時受力先可以令兩邊精華平均地被擠出!!


擠出黎就係咁嫁啦~~
我每次大約用2粒紅豆咁多 (官方 : 取約5毫子份量)
潔面＞ 保濕液＞生機蜜柑維C臻白毛孔雙重精華液＞乳液 / 乳霜
用左之後我唔大覺得有明顯白左  可能我始終都係黑底  所以難搞D
但用左之後毛孔有細左  暗瘡印都有淡左~
加上我真係好鍾意佢個味  係橙味瑞士糖咁既味!!  好好聞~~
另外吸收得幾快  都唔會立痴痴  好乾爽~~

產品由innisfree提供

多謝大家收睇
有什麼問題歡迎聯絡我 ♥ 歡迎聯絡試用
Email : miss_tomtom@yahoo.com
Blogspot : http://misstomeverything.blogspot.hk/ 
theZtyle : http://misstom.theztyle.com
Qooza : http://beauty.qooza.hk/u/MISSTOM
BeautyExchange : http://www.beautyexchange.com.hk/blog/MISSTOM