簡單自然 ♥ 日常妝

好開心呀♥♥♥

今個sem終於就黎完~

所有功課交曬  得返一個presentation咋:D

而家有時間  終於可以打妝文

妝文實在要用好多時間先打到

所以各位多多包涵小妹的緩慢速度...

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

講返今次先

今次係介紹返MISSTOM近排最常用的日常妝

仲記得以前小妹既日常妝係好濃妝既

雖然相入面睇唔到  但係其實色係好勁+好厚

由於懶左+已經接受唔到自己戴超級大眼仔個假樣

好自然地  妝容都比以前淡左好多

用既顏色相對上少左HAHA

所以係非常簡單的妝容呀:D

不過今次個妝會比較識合雙眼皮人士  大家睇左就會明

今次我亦唔會介紹好多化妝品

只會話比大家只我用咩色同咩brand E/S

咁開始啦^^

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

平時我基本上都係用呢盒

KATE的2色眼影 BR-1色

咁大家記住個色號  我地開始啦~~

♥♥♥♥♥♥

首先將1色查曬成個眼窩

唔使查得太勁  輕輕一層就可以啦~

我唔點用eye primer 會用淺色眼影打眼當primer用

因為咁樣對比會好d  色亦會出d~~

♥♥♥♥♥♥

之後用2色查係上眼皮我會貼住眼皮邊查左再掃開  我覺得咁樣可以易d控制個area同深淺色做得靚d大家見我只係查左好幼  記得唔會blend咁開呀~~

♥♥♥♥♥♥
之後大家用掃係下講嗰個位上2色
呢個位大家可以重手少少  令眼窩睇落深d
雙眼皮個摺位 一篤入去就係
(第二張圖)啱啱我地查係查白色個個位
而家就係紅色位  搵唔到位既sis可以睇下
咁樣一篤查完就係第二張咁啦  呢個方法好自然又簡單
大家可以試下~~♥

♥♥♥♥♥♥

之後就係eyeline  我用眼線液既
記得係眼尾加長5-8mm
向上鈎鈎地  睇落精神d
有d冇乜化妝既sis可能覺得咁樣有d誇
但係鈎+加長係可以營造一個精神左好多既效果嫁
至緊要眼線不要粗  咁就得啦
畫完眼線我會用黑色眼影印一印  咁樣眼線會last得耐d
好似用碎粉定妝咁

♥♥♥♥♥♥最後係下眼皮
係眼尾一半查2色  眼頭一半查1色
我唔建議加得太勁
我見好多人做眼頭highlight得查得好勁
但係我覺得好鬼怪(個人意見咋..."")
but~唔做highlight亦都唔得
其實唔好睇佢好似輕輕一下  但係其實效果已經夠
好比將個眼頭查到白雪雪...
有時如果想cool少少  我會畫埋下眼線~
輕輕一條咁囉~

♥♥♥♥♥♥
咁就搞掂啦!!!♥
我自己有畫下眼線嫁~
♥♥♥♥♥♥唔好睇少2色眼影
加少少技巧  隻眼都可以放大1.5倍haha

♥♥♥♥♥♥
放埋頭髮落黎先~
btw  近排我塊面乾到痴左線
毛孔又大左  又甩皮
要努力Full mask啦...

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
少少題外話
我見好多sis都會查止汗產品  但唔見好有效
個人覺得噴霧最冇用  又凍又要噴好耐..
但係我會有個小方法  好止汗  又快
我用的是走珠式的  Rexona左邊
有美白功效  但當然我唔多覺佢有用
但用我既小方法的話  的確可以止到一整日汗
我會係夜晚汗完涼先後就查係腋下  比d止汗劑奄一晚
第二日包冇汗  又唔會趕時間唔記得♥