{試用} 瞬間喚醒肌膚 ♥ philosophy renewed hope in a jar 高效再生保濕面膜

How are you everyone? 好耐冇見啦!
轉左工一直都冇乜時間試新野  正當小妹狂生粒粒既時候  有人邀請小妹試用
而試用既就係: philosophy renewed hope in a jar 高效再生保濕面膜
依個Mask係philosophy皇牌hope in a jar collection 20週年既新成員  更加係系列中第一款面膜
其實小妹一直都想試philosophy既產品  但耐何有DD貴  嘻嘻

首先我地睇下包裝先啦
一貫philosophy既作風  都係以簡約黑白色主而面膜就係牙膏裝  見到個唧唧窿都幾大  不過配合返質地都OK
而生產地係USA  各位SIS大可放心


睇返before先啦  其實自從轉左工返後  小妹皮膚真係差左好多
暗粒啦  豆豆啦  仲要有好多印呀:(
另外泛紅都有


近D睇睇  好多印呀媽咪  而且本身毛孔都好大


好啦入正題
質地有D霧面feel  有D似毛巾咁  但係好易推開  好soft


薄薄地查係面度敷10分鐘  如果有豆豆嗰D位有少少咭咭地  不過都可以接受
而產品官方介紹係: 為您的肌膚迅速注入所需養分，改善肌膚質素。產品採用柔滑滋潤配方，獨特的鮮忌廉質感，感覺冰涼，含紅景天精華，有助補充肌膚水分、肌膚重建和活膚功效


AFTERRRRRRR兩星期之後
佢既介紹係每星期用三次  所以小妹每2日用一次
以下係冇用其他mask  用左7次高效再生保濕面膜既效果
見到首先係蘋果肌位毛孔明顯細左D  而走粒位巨大既豆豆印淡左好多
加上dark circle既紋都淡左


總括而自  無論係長用定急救用都係唔錯
加上淡淡既香味  敷個陣好舒服嫁!

有什麼問題歡迎聯絡我 ♥ 歡迎聯絡試用
Email : miss_tomtom@yahoo.com
Blogspot : http://misstomeverything.blogspot.hk/
theZtyle : http://misstom.theztyle.com
Qooza : http://beauty.qooza.hk/u/MISSTOM
BeautyExchange : http://www.beautyexchange.com.hk/blog/MISSTOM
Ubeauty : http://www.ubeauty.com.hk/member_blog/misstom/

{試用} 感受幽香花季 ♥ 《我的美麗日記》極淨清潔系列

好耐冇見啦各位:)

前排收到PR既試用  所以又打打文啦

同埋今次MISSTOM部相機充電器壞左  用手機影住先  敬請原諒呀!

今次收到既試用係《我的美麗日記》極淨清潔系列既新成員

首先當然要比啲官方資料大家睇睇先啦~

極緻卸妝凝露 Ultra Cleansing Gel (售價: HK$79 / 250 ml)

溫和深層卸妝

溫和卸妝成分為水凝露質地，能深入毛孔，高效卸除污垢及彩妝，卻不帶走皮膚水分與油脂。卸妝後擁有極淨毛孔及零油感的肌膚，並能保持清爽濕潤。 

保濕卸妝凝露與極淨保濕因子的完美結合

添加保濕美容液的卸妝凝露糅合極淨保濕因子高分子玻尿酸HA-LQH™以及鎖水磁石PENTAVITIN®，維持肌膚動態水平衡，讓肌膚卸妝同時也能保濕水潤，達到優質長效保濕效果。

 

用途：深層卸除臉部彩妝及污垢

適用膚質：一般膚質適用

極淨眼唇卸妝液 Ultra Eye & Lip Makeup Remover (售價: HK$59 / 140 ml)

微分子雙層結構

油水雙層的特殊劑型，上層微分子清爽卸妝成分，深入溶解頑固睫毛膏及唇彩；下層鎖水保濕因子，輕輕卸除眼唇彩妝，同時呵護眼周幼嫩肌膚。 

溫和水潤配方機制

添加高分子玻尿酸HA-LQH™搭配鎖水磁石PENTAVITIN®，於溫和卸妝的同時，將肌膚呵護至水嫩光澤的健康狀態，卸妝保濕同步完成。 

用途︰眼唇卸妝

適用膚質︰一般膚質適用

玫瑰保濕花萃面膜 Rose Moisturizing Essence Mask (售價: HK$60 / 7片)

水潤舒緩

玫瑰蘊藏著能使肌膚水潤舒緩的花卉奧秘，片片花瓣都能轉化為美肌能量。精選花香清甜動人的玫瑰精油，結合玫瑰精萃，賦予肌膚雙重玫瑰的芬芳潤澤。

滋養保濕

協同糖槭、積雪草及海藻等保濕滋養植物精萃，使肌膚充滿花植活力，展現清透舒適、芳香水感的玫瑰肌。

用途︰水潤舒緩、滋養保濕

適用膚質︰一般肌膚，推薦乾燥缺水肌膚

官方資料就睇完  咁實際上又好唔好用呢?  MISSTOM即刻為你揭曉

首先卸左妝先啦!

今次總共有兩支唔同性質既卸妝  Gel狀同水油卸妝液

而MISSTOM都會用同樣化妝品去試  化妝品包括:

• CLIO Gelpresso Waterproof Pencil Gel Liner
• CLIO GELPRESSO Waterproof Shadow
• 3CE Creamy Waterproof Eye Liner
• shu uemura Drawing Pencil
• shu uemura Petal Lash Mascara

首先就試左水油卸妝性質既極淨眼唇卸妝液先啦

第一樣野緊係搖搖搖搖搖啦!

搖完就試啦!

今次MISSTOM將卸妝液倒左係卸妝棉之後敷係手背上大約10-15秒再輕輕一抺

其實已經卸走左95%既化妝品

之後再抺1-2下  化妝品已經唔見曬

但MISSTOM沖水後細心再睇睇  見手上仲有大量閃粉  相信用閃粉化妝品就要卸多1-2次啦~

之後就到Gel狀的凝露啦

凝露質地偏稀  一bump出黎就條到週圍都係

MISSTOM打圈大約按摩左30-45秒  之後沖水

見到其實仲有好明顯既眼線係度  個人認為卸妝能力有啲弱  但保濕好過水油卸妝

不過對於愈出愈勁既眼線筆黎講  好似唔多夠用

白白豬完  當然要敷敷mask啦

今次美麗日記個盒好靚靚  玫塊色加花花

靚又如何  咁好唔好用先得嫁?

MISSTOM覺得因為塊mask好薄  所以上臉既時候幾舒服  同埋玫塊味都唔錯

以$10一塊mask黎講  個人覺得都唔錯  敷完都有白淨左  但保濕度唔算特別高

今次就打到依度啦~

等小妹得閑D就再打打文啦!

有什麼問題歡迎聯絡我 ♥ 歡迎聯絡試用
Email : miss_tomtom@yahoo.com
Blogspot : http://misstomeverything.blogspot.hk/
theZtyle : http://misstom.theztyle.com
Qooza : http://beauty.qooza.hk/u/MISSTOM
BeautyExchange : http://www.beautyexchange.com.hk/blog/MISSTOM
Ubeauty : http://www.ubeauty.com.hk/member_blog/misstom/

{試用} 水漾防曬新體驗 ♥ Bioré UV 2015新升級水凝系列

近日又熱又濕  即係話 夏天黎啦!

炎炎夏日  太陽咁勁  第一件事當然會諗起防曬啦!

小妹一直都係用緊幾百蚊一支既防曬

原因係因為怕一般開架既會好油好立

今次PR比左三支Biore新升級的防曬產品我試用

事不而遲! 出黎啦! Biore!

第一位出場既係

碧柔水凝高效保濕防曬霜 SPF50+ PA++++ Bioré UV Aqua Rich Face

HK$99.9 / 33g

-          升級PA++++為日本最高的防禦系數，有效對抗光老化問題，預防UVA所引起的色斑、皺紋及各種肌膚老化問題

-          獨有多50%的GAP水分子，加倍提升水漾質感，打造極緻水嫩柔滑肌膚

-          可當妝前底霜，令隨後粉底修飾效果更持久貼服

-          散發清新水果香氣

第二位佳麗係

碧柔水凝光感透薄BB防曬霜 Bioré UV Aqua Rich BB UV SPF50+ PA++++ (自然肌色)

HK$99.9 / 33g

-              細緻的膚色柔粉能針對不同膚色自動提升亮白度及修飾毛孔，締造水嫩貼薄無瑕裸妝

-              蘊含清爽柔粉，保持肌膚輕透細滑，可防止出油及脫妝

-              可當妝前底霜，質感水漾透薄，易推度高，令隨後粉底修飾效果更持久貼服

-              集水感保濕、防曬、調色於一身，塑造自然剔透的BB 肌

-              散發清新水果香氣

而最後出場既係

碧柔水凝長效保濕防曬乳 SPF50+ PA++++ Bioré UV Aqua Rich Essence

HK$99.9 / 50g

-          新升級PA++++為日本最高的防禦系數，有效對抗光老化問題，預防UVA所引起的色斑、皺紋及各種肌膚老化問題

-          GAP水分子的革命性水漾質感，長時間保持如水般透薄質地，肌膚零負擔，有效減少因日曬造成的水分流失

-          可當妝前底霜，令隨後粉底修飾效果更持久貼服

-          散發清新水果香氣

要試上臉啦!
首先試左碧柔水凝光感透薄BB防曬霜先啦!
質地唔會太稀  好易推

而且唔會油同立   同開架品牌比我既感覺完全唔同!

話明BB霜  緊係要有D遮遐功能啦!
下面係before/after  大家可以見到黑眼圈都淡左好多
另外都有調色功能  比我感覺似cc cream多d
因為佢完全用BB cream既厚重感!  就算日日用都唔怕~~



過左兩日就再試用碧柔水凝高效保濕防曬霜啦!
(冇錯  因為前兩日出左一個鐘街  所以件衫冇洗  唔係同一日黎嫁!)
依隻個質地都唔立唔油  其實同bb霜個款有d似
唔同既係佢冇遮遐同調色功能!


最後就係皇牌產品碧柔水凝長效保濕防曬乳啦!
依款質地會再稀d  好似推開  一擠上手就覺得好水汪汪!


明顯見到查左上臉之後立即有水漾感
但佢比前兩款更爽  一d都唔立!  令我更加有日日用既興趣呀!!

有什麼問題歡迎聯絡我 ♥ 歡迎聯絡試用
Email : miss_tomtom@yahoo.com
Blogspot : http://misstomeverything.blogspot.hk/
theZtyle : http://misstom.theztyle.com
Qooza : http://beauty.qooza.hk/u/MISSTOM
BeautyExchange : http://www.beautyexchange.com.hk/blog/MISSTOM
Ubeauty : http://www.ubeauty.com.hk/member_blog/misstom/

冬去春來 ♥ 春夏女裝配搭

冬去春來  各位姐妹又係時候收返D冬天衫  買返D夏天衫啦
對各位返Office的OL們  最頭痛的相信係返工衫
不單止日日唔可以重複  仲要著得莊重得體
唔比著T-shirt  唔比著牛仔褲  唔比著波鞋  唔比著VANS
今日等我又偷下ZALORA既圖  介紹下唔同既女裝服飾比大家啦!
今次介紹既都係單品  附網址  大家可以留言一齊配搭下呀!



第一條係背部有特別剪裁的拼色連身裙
夏日熱辣辣  衫上有多幾個窿當然更好啦  而且設計仲可愛得黎帶點點性感添!
特別剪裁令到裙本身就好靚  可以唔使點配搭  最啱緊住出門口既日子
想變個身?  只要加返件牛仔外套或西裝褸  立刻變身!




第二件就係碎花連身裙
每一年夏天都一定要有碎花單品旁身
碎花單品配搭不同的淨色單品  好似透視上衣, 針織外套, Zip-up都可以好好襯
不論返工或Week-end出街都一樣咁百搭!

再黎就係帶點復古feel的連身短褲!
呢條連身褲最吸引我既係佢湖水綠既色~
因為夏天單品好少見呢類型的顏色
由於係單色暗花  可以配搭有pattern既單品
韓風的花花西套褸, 白色上衣, 乾濕褸  簡簡單單就配搭出型格返工look
 




再黎今年好興既長褸啦!
今次小妹都買左幾件長褸  真係好好襯  又會拉長左個人  正!
針織款相信都係最易襯同最通風既款啦
好似model咁配搭T-shirt同牛記就可以出街
就算返工  恤衫+貼身褲/裙都可以襯到~ 得左!



http://zh.zalora.com.hk/Zipper-Layered-Top-176468.html
最後一件衫想介紹D易襯又夠hea既衫
黑色背心好似model咁襯皮褲可以好型
出街簡單D襯牛記可以好hea
返工襯返件白色配身裙可以好莊重
咁好既野  快D入條Link到睇下啦! HAHA
 


MEL DREAMED BY MELISSA
而另外一樣野令我幾驚喜既係有mel的雨鞋賣
夏天落雨就係我最討厭既野  有對雨鞋真係好重要
雖然雨鞋款式唔多  但都幾靚! 最緊要係有大約1/3貨品做緊特價呀!
我已經Target左上角的平底雨鞋啦HAHA
希望佢會加入更多唔同款式  比大家選購啦!

仲一有樣就係涼鞋啦!  涼鞋對我真係好重要
因為小姐腳汗都較多(嘔)  所以著平底鞋都會有點味-3-
所以夏天必需有涼鞋  唔單只係要靚  最緊要唔好焗親對腳嘛!
而厚底涼鞋係今年的2015 S/S大熱
要追上潮流尖尖的你同我  當然要有一對啦
另外金屬色都係呀! 同金屬色配額同一色系的上身同下身  成對鞋立即成為主角!

最後最後就係小妹精選比大家既鞋啦!
波浪滾邊高跟
簡單的設計令腳形更修長  由於單色所以更加百搭!

心形尖頭平底鞋
其實我覺得黑金色靚D  因為型嘛!
令年興紳士鞋  有時比對腳休息得黎都可以好靚嫁!

Joy踝帶平底鞋
特別設計  著貼身褲就更正
再唔係恤衫貼身裙都好靚嫁!

有什麼問題歡迎聯絡我 ♥ 歡迎聯絡試用
Email : miss_tomtom@yahoo.com
Blogspot :http://misstomeverything.blogspot.hk/
theZtyle : http://misstom.theztyle.com
Qooza :http://beauty.qooza.hk/u/MISSTOM
BeautyExchange :http://www.beautyexchange.com.hk/blog/MISSTOM
Ubeauty :http://www.ubeauty.com.hk/member_blog/misstom/

{試用} 消滅毛毛大作戰 ♥ Philips SatinPerfect 脫毛器

夏天... 為我們帶來短衫短褲...
但... 毛毛... 為肌膚帶來黑色點點:(
有睇開MISSTOM既blog 相信都知道我之前Join左激光脫毛
但由於銀兩所限 小妹根本做唔到全身 (哭)
我都稱得上為毛女一個 基本上我最少要每星期脫一次毛
否則毛毛就會以頑強既生命力不停咁生出黎 同我狂say hello
所以係數年前 小妹已經有用脫毛機既習慣 (脫毛機係我一生人入面買得最啱既野!)
前排申請左Philips SatinPerfect 脫毛器試用 當知道有得試既時候真係開心到"嘩"左出黎HAHA

今次試用既產品係Philips SatinPerfect 脫毛器 (建議零售價: HK$1,198)成個套裝有齊家用同輕便裝! 無論係屋企同出外旅行都啱用呀~~


而製造地就係斯洛文尼亞
我真係完全對當地既製造業零認識....


套裝包含剃頭同脫毛頭 適合身體不同位置使用
而且有圖片式說明書教你睇用 唔識字都知道點用呀!


睇返家用個部先啦~
今次呢部係充電式脫毛機! 叉1個鐘就可以用嫁啦!
另外夾輪採用陶瓷物料 可以剃除更幼細既毛髮~
係脫毛機前方會有個燈 令你脫毛個陣更清楚見到毛毛 一條都唔會漏!!
而且脫毛機有兩個速度可以選擇~ 怕痛既你都可以用呀!
配合脫毛頭有兩個蓋~ 一個普通蓋 另一個有滑輪同提毛梳~
令你係脫毛既同時 都可以舒緩返肌膚~~


好啦~ 要換做剃刀頭啦~
換頭既方法好簡單 只係按一按脫毛機旁既按鈕
脫毛頭就會自動鬆脫嫁啦~


相比之下 剃刀頭會比較少用
我都唔記左試一試HAHA
個會有個cover 連剃頭髮都得呀HA!


隨套裝仲有輕更裝脫毛器 另外都有附送兩粒AA電


輕便裝並無使用陶瓷物料 用返普通金屬物料
而轉速都係得一個速度可以選擇


套裝內包含拔毛鉗套裝 內有鏡同帶鏡既鉗
試用既相冇影到 但燈既照明方向好好 唔會照到眼
個鉗頭就闊左少少 有少少唔就手~


之後就係配件啦~~
有清潔刷, 三腳充電器, 收納袋同圖片說明書!


好啦!!!
要進入最重要既部份啦~~ 我要脫啦!
首先當然要睇下大戰前啦~~
呢D毛毛我儲左5日左右 因為個個星期都會脫(唔係剃) 所以毛毛唔會好多


開左部機後, 燈會自己開
另外都會顯示返1速定2速!
開關係以按既方法 1下就係2速 再按多1下就係1速~
而且脫毛頭設計係有少少U型 配合返手臂同腿唔同部分 令接觸面大大提升

好啦~ 正式開始啦!
脫毛過程都幾暢順 但我覺得U型頭有D唔習慣 可能因為我用開都係直頭
另外各位最著重既痛方面 我個人覺得陶瓷頭比一般金屬頭痛
可能因為能好幼細既毛毛都拔得到 所以較正常既痛

睇下戰績啦~
D毛毛會留左係機頭上面 用掃掃走佢就OK 唔使用水
但衛生問題 我每一次都會過水 到時搞到毛囊發焱就唔好啦~


搞掂曬啦~~~
毛毛一條都冇得剩底
每一個位置我碌左2-3次 但成個過程都好快~


而輕便裝呢...
可以脫手指毛毛~~
我好鬼鍾意佢個SIZE夠細 啱啱好可以脫眉心haha 以後唔使一條條咁拔出黎啦~~~!


好多謝Philips送我一套咁正既脫毛套裝
今個夏天又可以用毛毛覺BYEBYE啦~~
提下咁多位~~ 脫完毛記得查D野 影相當日我趕時間冇查 痕足一日
所以脫毛很處理都好重要嫁~~~

*產品由 Philips 提供*

有什麼問題歡迎聯絡我 ♥ 歡迎聯絡試用Email : miss_tomtom@yahoo.comBlogspot : http://misstomeverything.blogspot.hk/theZtyle : http://misstom.theztyle.comQooza : http://beauty.qooza.hk/u/MISSTOMBeautyExchange : http://www.beautyexchange.com.hk/blog/MISSTOMUbeauty : http://www.ubeauty.com.hk/member_blog/misstom/